 | | |
| | |
|
Spaces home  爱的就是你PhotosProfileFriendsMore |  Tools   |
|
爱的就是你生命因你们而美丽，生命因你们而精彩
June 14 努力？恼力！ 我今日其实真系好想喊，我每每捻到，我过去呢几个月既努力全部都白费晒，我真系好伤心。我知我自己之前系做得唔好，但系我好努力，希望可以将自己既缺点改好距。而且我都曾经一度觉得，自己做得好好，我既努力同辛苦都有左一定既回报。但系原来唔系，我依然都系存在感既缺点，好似无论我点努力，都系无办法将呢个缺点彻底改好距。人地话，江山易改，本性难移，难道我真系无办法改好距？我真系一直都要受呢样也既困扰，而无办法做好我想做既也？人地话“世上无难事，只怕有心人”，难道我真系仲未够真心，仲未够努力？我真系自己都对自己失去信心啦，我真系唔知自己可唔可以。。。。。 June 07 有感～～犹豫不决原来一直都系我一个太大既缺点，我一直都系好依赖人，好希望好多也都系人地帮我决定埋，唔好要我去捻。以前总系会有人系我犹豫既时候帮我去决定或者捻一D也，但系，我已经应承左某人，以后我自己既事，我自己会解决，唔需要距再操心，所以，我依家就算有也抓唔定主意，我都只可以依靠自己去决定，唔可以再依赖人地去帮我。但系我呢个习惯实在无感快可以改左去，所以当我有也捻唔掂，唔知点决定好既时候，我就会好想稳人帮我去落决定，稳人离坚定我既信心，但系唔系个个都会愿意或者有感既时间去帮你捻，帮你去分析，有时反而会叫反我去做决定，将个波交反比我。我发觉自己经常会因为自己既呢种习惯，而搞到做左一D令自己后悔，又或者会令自己一直都会捻究竟自己做得arm唔arm既决定出离。就系因为感，我会因为自己做既决定后悔或者甚至系内疚好耐，会觉得自己当初唔应该感样，如果果时有个人可以帮我分析下，我应该就会唔会做令自己后悔既决定。 不过既然，我已经应承左人地，以后自己既事自己解决，我就唔可以有呢种习惯，唔可以再去烦住人地。当我决定左一样也之后，就要毫不犹豫感去做，唔好再比自己有捻其他也既时间，如果唔系，捻得越多，只会越乱，反而会影响决定。又或者真系有也捻唔掂，唔知点算好既时候，就。。。。我暂时好似真系未捻到有咩好既办法解决，不过我会努力，令自己捻到解决既办法既，加油～～～～～ May 18 一个字累～～ 近呢一个月，我真系觉得好累啊～，无论系工作，定系生活，都令我觉得好累！！人地话，情绪差会表现系脸上的，我依家面上生左好多豆豆啊，而且又成日训唔好，D皮肤想好都几难罗！！～！
我从上个月开始，我去左back up其他team，而呢个team真系好忙，日日都做到我头晕眼花，而且加班变成左我家常便饭，边日唔加班先系出奇的。由于加班，我每日落班既时候已经7点几，我开始唔可以再打电话比距，因为我知道距果个时间距应该系食饭，就算我打过去，距都唔得闲，我就无打。本离我地见面就已经少，因为我落班夜，我地甚至连电话都唔多个，有时一个星期可能先勉强讲上一两句说话。而有试过，我好幸运可以早落班，打比距既时候距又话要反夜班，根本无时间听我讲也，我地讲左两句就收线啦！可能就系因为感，我地开始变得无也讲，我甚至有D觉得，我打电话比距系阻住距，我同讲也距都唔多理我，搞到我连讲落去既兴趣都无。好多时候我打比距都系落班之后，感我难免会讲下自己系工作上既烦也，或者系我讲得太多，距已经变得无兴趣，距根本就唔想听，距比我既反应就系我阻住距，距唔想听我讲也，结果我就肯定唔想讲落去，米收线唔讲。“大家忙”我都唔知究竟系我地之间系借口定系真系忙而搞到连打个电话都感难！
有时两个人系埋一齐，唔系应该互相支持，互相关心咩，但系我觉得我地变到互相数落，互相埋怨。我话我做也好辛苦，距就话我好充实，钱好多，感可能距同我讲既时候，我亦都无做好听众既角色既，搞到距又唔开心。结果大家米越来越无也讲，距离越来越远！！
系工作上已经辛苦，感情上又感，我既辛苦，烦恼根本就唔知同边个讲好，只好自己收埋系个心度，自己去开解自己。但系自己开解自己系需要发多一倍时间同心思，我真系觉得好累，我唔知自己可以开解自己到几时，我唔知会唔会有一日顶唔顺，搞到自己情绪爆炸呢！！～ January 02 有点不习惯～～！ 今天是2008-1-2号，首先祝大家新年快乐，心想事成！！
从今日开始，我就进入很得闲既状态了！！！点解？因为从今日开始，飞利浦既所有业务就转去上海啦，我唔再系负责飞利浦既专线人员啦！！本身我以前好忙都系因为飞利浦既业务量大，感既然依家飞利浦都已经唔再属于我地罗，当然就会好得闲拉！！
从早上返工到依家，我都无咩点做过case，讲真啊，确实系有D担心自己既量，同埋一个人返工太得闲唔系一件好事啊！！因为之前一直都好忙，今日特然感得闲好唔习惯，坐系度都唔知做乜好！！我捻我真系要好好习惯系依家呢D感得闲既日子闲得啦！！！
December 06 我终于出师啦！！！ 经过左大半年的艰辛，我终于考完个车牌啦。开心～～～兴奋～～～～我终于有车牌啦！！～～！！
系12.2号，我踏上左考路面既征途，真系又兴奋又紧张。好惊考试唔合格啊！！！我之前一直都好担心自己开车会好唔掂，会搞到大塞车。不过经过我一个月既努力，经常系条路度开，我发觉自己开得都好唔错既，都几稳定，又唔会死火。
 有D唔知丑既感觉！！不过我赞自己都唔系无道理架，起码我考试非常顺利，就算遇上要加减档都顺利度过，又唔会唔记得打灯，体镜，动作非常标准。 系练车果时，同我同一日考试既同学，有个男既开得好唔错架，系长途果时就已经开到飞快，结果，距考试果时就因为太过于小心，一直唔肯入档而搞到考试唔合格，而且唔将自己当做一个新人，系处理一D紧急情况果时无刹车刹死，真系好唔抵。我地大家都认为距系一定会合格架！！呢D就叫左老猫烧鬚，蚀啊！！！！跟住距就话距心情非常差，要我地合格既人请距食饭喔！！！
其实练车都几开心的，又可以识到一大班人，又可以享受下开车既乐趣，爽啊！！！ November 18 屋企有老鼠啊！ 屋企有老鼠啊！我近排发现屋企有老鼠添，成日系度走离走去，又抓距唔到喔，真系好鬼烦！
只老鼠肯定好肚饿，是因我发觉距咩都挪离咬，一个曾经装过也食既胶罐都挪离咬，咬到周围都系，邋遢到死，而且仲好恐怖添！有时训觉果时我会觉得好惊，是因都唔知距会唔会系我训紧觉果时走过离我张床架，如果系既话，就真系好恐怖罗，我捻到都惊啊，救命啊，只老鼠几时先会走啊？？老豆话只要屋企无也比距食，距就会自己走，阿妈就认为唔会，我就认为要养只猫先得，如果唔系就算呢只走左，下一只又会继续过离帮衬我地啦。你话如果养只狗又点呢？我喜欢狗多D！！！
虽然自己属鼠，但系其实我好惊老鼠，系距走出离果时我就好惊，唔敢打距，我系唔系太细胆呢？如果我唔系惊，我琴日可能就可以整死距啦，最衰就系自己惊，无把握好机会，依家距都唔再走出离，根本唔知距系边数，想抓都抓唔到啦！！！机会呢D也，转瞬即逝，过左就无啦，后悔啊！
今日同老豆去左大学城练车，确实系爽，虽然依然系好累。不过我感觉比之前好左好多，起码换档顺畅左，部车唔会“侄”下“侄”下感。早上去练车果时，刚好系斜坡果度等红灯，要转灯啦，一起步就死火，死左成5、6次，好彩后面无车姐，如果唔系，可能我会更加紧张，点都起唔到啦，后离经过一轮扰攘，终于顺利起步啦。经过一轮既练习，下午再去到个斜坡，再起步就无死火啦，可以算系有少许既进步，稳到些许感觉啦！我相信开车呢家也，最紧要系工多艺熟，练多D，开多D就无问题啦。我一定会考试一次就过既，加油！
November 16 考车的经过 我的考车终于来到最后关头了，我其实好紧张，对自己信心唔系好够！这个车牌我实在是考得太久了，历时有半年之久。
上个星期日我去完长途，累到死啊，开头我仲以为开长途会好好玩架，点知，我觉得一D都唔好玩，开成个几钟，对于一个新手离讲，好鬼累啊！！！我原本考4选3果时，四个人加埋教练都系一D好好玩既人，当时仲讲得好好地，话我地四个人一齐去长途旅行。果时我捻住如果系感，肯定好好玩啦。点知，到左长途果日先发觉，原来我唔系同上次考试果D人一齐去长途，而系同另外唔认识既人一齐，果D人确实唔好玩，仲有D闷，包括个教练都无之前果个感好玩，搞到我长途果时成日都想训觉，甚至开车果时都有少许想训既感觉。好痛苦感搞完果两日既长途，12.2号我就要考路试啦，我觉得我果两日好似都唔系学得好好感，可能就系因为我成日想训觉，搞到学得唔好！我觉得我系换档果时唔系好顺脚，D意识又未够好，对个方向控制都总系差D，加减档唔够快手。感既样，都唔知如果就感去考试，会点，如果唔合格就要补考，又要拖长D时间。所以我好紧张啊！！
之前练车果时，个教练话女仔开车上路，就算真系搞唔掂都唔紧要架，只要到时扮到好紧张，不知所措感就会有人帮手架啦，特别系靓女啊！唔知到时我上路果时真系遇到D情况系我搞唔掂，会唔会有人离帮我呢！！嘿嘿！！ 我好担心我到时上个海珠桥都上唔到，而搞到大塞车啊！  September 30 放假啦！～～～ 太好啦，可以放假啦，我等10月份等左好耐啦～～！自从返工就好难再会有D感既大假期啦，每个星期都过住规律般的生活，真系好鬼闷同好鬼累。不过依家唔同啦，就离放假啦，心情顿然开朗啊！之前我仲担心放假前一日会好忙，因为大家都担心我地放假无人同距地出机票，点知原来放假前系得闲架，D人该走既走，该反离既都反离啦，所以我放假前既两日都好得闲，可以周围稳人倾计，同埋上下网，做下自己也。感样既悠闲都系返工以离第一次，我每日反到公司都系忙、忙、忙，我好几中意感样既日子。
而且今日公司仲可以比我地3点钟就落班，爽啊！仲记得中秋果日6点钟准时落班，条路塞车塞到死，如果我果日唔系坐地铁，我可能8点都反唔到去啊。好彩今日3点就可以走啦，感应该可以早D反到屋企啦～！
今日早上坐车见到BEAR，同伍浩贤，虽然我之前都知道BEAR同伍系认识的，但系唔知道原来呢个世界真系可以感小，大家识离识去都系果群人，可能大家坐埋一起发觉每个人同每个人都有唔同既关系。真系应左一句，“世界真细。小、小、小，小得真系奇，妙、妙、妙！
大家一齐坐车就系开心，好似D时间都过得快D，就算塞车塞得开心，唔使自己一个人坐车感鬼闷嘛，希望可以有多D机会大家一齐坐车，有个开心既早晨！！ September 22 九月份的天空 今晚我低地旅行团进行了九月既活动，虽然唔系咩好了不起的活动，但系大家都玩得好开心。起码我见到每个人既面上都系充满笑容。尤其系今晚去食饭既时候，我地个个都笑到好开心，甚至系笑到肚痛。呢都系要多我地既河豚同学，因为距讲错左一样也，而导致令我地大家都可以开怀大笑。
我系极度支持依家我地旅行团一个月一次既活动计划，希望我地可以一直坚持落去，一直到永远。
我亦都好支持我地小学同学果个一个星期打一次羽毛球既约定，希望我地都可以尽量坚持落去，感样对大家之间感情又好，对身体又好，我会无限量感支持呢个活动搞落去！！
做也做得耐左，系休息既时候可以感样尽情大笑，同D朋友相聚一堂，系一件好事，可以好好感发泄下情绪，增进下大家感情，暂时忘记工作既烦恼。我成日都觉得同事之间既然友谊同同学之间既会差好远，同学之间唔会有猜疑，唔会有竞争，但系同事之间就或多或少有竞争存在，有好多难以言明既感觉存在，所以大家唔可以真心相对亦都系情有可原。
所以同学之间既友谊我系非常珍惜架，大家要好有缘分先可以做到同学，更加需要缘分大家先可以做到好朋友，呢D系值得一生放系个心到珍藏既也。我既好朋友，好同学，大家呢一生都会系我生命中值得珍藏既宝贝。
九月份我地有好多朋友生日，例如周宁、静心、西命、黄子、亏亏等等，我系度祝福大家生日快乐！就算唔系今个月生日都唔紧要，我依家仅代表本人祝大家梦想成真，笑口常开！！ 转正有感～～ 不知不觉，三个月好快就过去啦，仲有一个星期我就转正,成为距地既正式员工！
系呢间公司既三个月试用期好似系过左好耐感啊，每日都度日如年，是因一唔小心就会做错也，一系就比客人投诉，一系就比上司话，再唔系仲要赔钱添。我已经因为做错也而赔左10几蚊啦，真系阴功啊～～！
我都知只要做也就会有做错也既可能，做多错多就更加有可能，但系每次做错也我都会好烦恼，唔可以即刻再重新投入令一个任务，感样就好容易令我再产生另外一个错误，从而恶性循环，继续不停地做错也。。。烦、烦、烦。。。而且最重要既系公司并唔允许你错感多次，错得多就要比人FIRE架啦。我有时会觉得如果因为做错也比公司抄会好“鱼”。就算系要离开公司都要系我抄距，而唔系距抄我！
我依家真系深刻体会到系外企做也压力会有几大，虽然表面好似好好感，但系其实，系公司里面做到好似只狗感，压力又大，过一日好似过成年感啊，辛苦到死，系脑力上同精神上既折磨啊！！！
 果D资本家会计算尽你每一分既劳动力，绝对唔会比多一分钱你架！！果时朱头话距系汇丰做好辛苦，我都觉得几好啊，起码人工高先啦，但系，我依家深刻明白到咩叫做系里面做到好似只狗感！唉，总之就有苦难言啦！ 而且有时我会觉得做我依家呢份工无咩前途，又学唔到D咩也，净系每日系到接电话姐，就算做两年都累积唔得D咩经验，到时真系想发威，转去其他工都唔知仲可以转D咩也。
最近总系听到我D同学讲，个个都话想转工，话去D咩事业单位做，去国企做，好似好正感，搞到我都好似好想去果D地方做也，起码舒服，无咩也做，无感大压力，人工又唔会好低啊，而且如果做到公务员仲好鬼正添。我究竟系唔系应该都要考虑下转工，转去一D工作压力无感大既地方工作呢？？好多人都话我份工都已经几好啦，上落班都尚算正常，唔使成日走离走去，人工同福利都唔错，好适合我去做，感我应该点好呢？
做人就真系烦，做大人就更加烦啦，有时真系好希望可以反反去小朋友既时候，咩烦恼都无，净系知道每日去边度玩，去边度食，边好似依家感，呢样要烦，果样又要烦，唉～～长大真的不好，我宁愿从来也没有长大过！！ August 11 工作感想 唔知唔觉，又过左个半月啦，我系呢间公司又做左个半月啦，仲有个半月我就过试用期啦，希望我可以安全渡过啦！
系我地公司，做好多也都要计自己既成绩，例如接到几多订票啦，出左几多张机票，如果有人已经订好左，跟住你又去搞人地既Booking，出埋人地既票，会比人闹架。我之前就试过有一次，因为唔知果D数量感重要，我见距果日好迟都无返工，我米帮距出左张票罗，点知，就比距话我，甚至到依家都好似好恨我感啦，一直对我既态度都好差，有时有电话稳距，我转过去距会唔接，又或者唔帮我，搞到我每次一听到有稳距既电话我都好担心距会用咩语气对待我，又或者担心距会唔会拒绝我呢。平时见到距，唔好话招呼唔打啦，距唔黑口黑面对我，我都已经好觉得距对我态度好好D啦！
之前一直都知道同同事之间相处系艺术，我依家深刻体会到，所谓办公室政治，好恐怖架！我觉得同我同一Team既同事当中，有D人好似唔系好中意我感，虽然，呢D都可能系我乱捻，但系有时距地对我既态度真系好令人怀疑，所以有时我对住距地果时都唔知比咩反应好。不过呢D也打击唔到我既，我只要努力做好自己本分，安全渡过试用期，感我就好开心，其他咩都唔捻架啦！
 加油～～！！！ July 23 又做错也拉～！ 今日我又做错也啦，真系好惊啊！！我依家都仲系处于试用期，成日做错也既话都唔知点算！！ 我依家觉得每日返工都好似行钢丝感啊，好鬼紧张，又好惊！！我成日都好惊自己会做错也，因为我知自己比较粗心大意，如果一忙起身真系会好容易做错也的！所以我每日都好认真对待，成日都好惊会出错，特别系做紧一D同钱有关或者影响客人既也果时我就好紧张。
虽然话我已经好小心，但系今日又错了，将一张九折既机票取消左，结果净系得反全价。好彩个客人肯帮我，如果唔系，我自己就要负责果一折既差价啦！！就算个客人肯帮我，但系我既表现都已经大打折扣啦！所以我好惊啊，好惊我过唔到试用期啊！！
我要小心，唔可以再做错也啦！！！否则，就真系试用期都过无到啦！！加油加油～！～！～! July 18 唉～～！ 失望，我的确系好失望。其实，我同你讲话我收到果条短信果时好失望，系想宣泄下感情。是因我果两日真系非常唔舒服，但系，当我发短信同你讲我好唔舒服果时，你就连一句小小既“好好休息”都无，感我肯定失望啦！！我无咩特别既意思，都无话要指责距，只不过就系想宣泄下姐！
你成日话我无珍惜，我无努力，感你有无捻过我又有咩感觉啊！或者可能你会觉得我好物质，成日捻住钱。但系我真系认为，两个人系埋一起，点都要小小经济基础，因为两个人就算出去玩，出去食饭都要钱架，如果唔系，就搞到成日就算去体场电影，去行下街都要计住个荷包里面有几钱，玩都玩得唔开心啦！！我同你一齐出街，我又唔敢用你既钱，就算用自己既钱又惊你话我大使之类，所以同你出街一般我都唔敢体D咩，就连食饭都唔敢乱食！其实我确实觉得好唔爽，好压抑！
我地已经讲好，以后，我自己养我自己，你养你自己，感样对于我离讲姐系以后都要靠自己，我要自力更生，要努力。我唔系要你将责任揽晒上身，都唔希望我会令你觉得有任何压力同负担。更加唔系话我自己样自己唔得。只不过，我原本的确系捻住靠人地养的，但系既然大家有协议，感所以我就要努力稳钱去养自己同我屋企人。靠自己就表示要变得坚强，要变到好似女强人感，就会有好多时间花系工作上。其实我都同你讲过，我依家觉得做也好辛苦，好大压力，系因为我有生活既压力，有工作上既压力，真系好累，所以我基本上已经无其他精神去照顾其他人，更何况我仲要考车，呢样也对于我离讲其实都系好难既也！！可能你会话，你都系感样，你都同样有生活既压力，同样有工作既压力，你都会照顾我，我都无你话做唔好，我琴晚都系发泄下，无指责你啊！感但系我自问我无感既能力，可以照顾感多样也，照顾得呢样，就照顾唔到第样。 个个都话做女强人唔容易，真系唔容易啊！我自己对自己生活要求又高，我唔希望自己要搞到食个饭都要左捻右捻 。我知你见到我写既也肯定会话我借口或者系话我物质，但系呢D系我切身感受，我都无咩好解释！
July 08 五月天！正！！ 从来唔知道，原来“五月天”系感正的！虽然以前我都一直认为距既歌好好听，但系无捻到距地现场既表演可以正成感！！只有“正”呢个字可以形容！！！
琴晚去体左五月天既演唱会，开头系因为可以有免费既演唱会体我先打算去的。系出门口果时我都仲有捻过唔去啦，因为果时我真系好累！但系好好彩，我都系坚持去左！
距地既歌好激昂，好似充满左一种力量感，系一种可以令人忘记所有也既力量！我呢排成日都觉得好累，好似好多也压住我，压到我透唔到气，好辛苦！就系琴晚，听完距地唱歌之后，好似咩都放低晒，咩工作，咩考试，我都唔记得晒啦，净系知道沉浸系距地既音乐天地里面，好舒服，亦都好兴奋！个人心情顿时开心左好多，好似咩都会好容易可以解决感！我系度郑重感多谢“五月天”，虽然距地唔会知道！！！
阿信个真人都真系几靓仔架，同埋企系个台都几型架，距有可能好快就成为除左王力宏之外，我既第二最爱啦！！（当然我讲既系偶像啦！！～
 ）我都古唔到距现场唱歌感好听，甚至好听过CD添啊！！！～ 正！！   | ||||||||||||||||||||||
Invite as friend
